E-bøker inneheld tekst, tabellar, illustrasjonar og bilde, men ikkje lyd. I Tibi-appen kan du likevel få lese opp e-bokteksten med talesyntesane våre.

Vi har laga e-bøker av fleire tusen titlar i samlinga vår, slik at dei no finst både som innleste lydbøker og e-bøker. Dei fleste nye bøkene blir laga i begge medietypar. E-boka blir ofte ferdig før lydboka.

Bokutval

E-bokutvalet er eit tverrsnitt av boksamlinga vår og dekker både studielitteratur, skjønn- og faglitteratur.

Tilpass til behova dine

Treng du større skrift eller vil ha teksten lese opp med talesyntese? Vel sjølv! Du gjer dine eigne tilpassingar i e-boka ved å forstørre teksten, invertere fargar eller endre font. Hugs at du òg kan justere hastigheita på opplesinga i Tibi-appen. 

Eg føretrekker e-bøker framfor punktskriftbøker, fordi eg kan lese dei både på leselist og ved hjelp av talesyntese.

Kvinne (29), blind 

Korleis låne og lese e-bøker?

E-bøker er raske å laste ned og tek liten plass. Når du søker etter bøker, får du opp kva medietypar boka finst i og kan velje den du vil ha. 

Du kan lese e-bøkene våre på fleire måtar:

• På mobil og nettbrett med appen Tibi. Der kan du òg få teksten lese opp med talesyntese.
• På PC, Mac og Chromebook med Tibi Nettleserbok, ein enkel, installasjonsfri og gratis lydbokavspelar frå Tibi. 
• Med skjermlesar eller leselist.
• Frå nettsida vår kan du lese direkte i nettlesaren, eller laste ned til ulike e-boklesarar/lesebrett. 

Hjelp til å kome i gang?

På hjelp-sidene finn du meir informasjon om korleis du låner og bruker e-bøkene våre.