Mange skular er usikre på korleis dei skal melde inn og låne bøker til elevane. Her fortel vi korleis det skal gjerast.
Tibi og Statped produserer begge tilrettelagd litteratur. Statped lagar skulebøker og Tibi lagar skjønnlitteratur. Vi samarbeider om innmelding og utlån for å gi elevane eit breiare litteraturtilbod.
Elevar blir lånarar i Tibi via Statped
- Skular skal registrere elevar på Statpeds nettsider.
- Da blir eleven lånar både hos Statped og Tibi og får eitt felles lånarnummer.
- Eleven kan låne bøker frå både Statped (skulebøker) og Tibi (skjønnlitteratur) og kan bruke tilgangen til skule- og fritidslesing.
For å bli lånar, må du ha vanskar med å lese visuell tekst på grunn av nedsett syn, dysleksi eller andre lesevanskar.
Statped produserer bøker på bestilling frå skular med blinde og sterkt svaksynte elevar. Alle registrerte elevar kan låne bøkene.
Kvifor skal skular kjenne til Tibi?
Når elevane er melde inn via skulen/Statped, er dei lånarar hos Tibi heile livet og kan bruke det som sitt folkebibliotek. Det er nyttig for både skulen og føresette å vite at i tillegg til lærebøker frå Statped, kan elevane låne romanar, faktabøker, noveller og bøker på engelsk frå Tibi.
Lurer du på noko? Vi har samla nyttig informasjon på hjelp-sida.