Dei interfolierte bøkene våre har blitt flytta frå Nasjonalbiblioteket i Mo i Rana til Oslo. Vi håper det vil løyse problema vi har hatt med utsending og retur av desse bøkene.
Lån og send tilbake
Interfolierte bøker blir sende i posten med sporing til Post i butikk/postkontor. Det følger med ein retursetel som du bruker når bøkene skal returnerast. Lånetida er fem veker frå du får boka. Du kan forlenge fristen viss det ikkje er venteliste.
Kven er interfolierte bøker for?
Ei interfoliert bok er ei vanleg bildebok som har gjennomsiktige folieark med punktskrift mellom boksidene. Bøkene er berekna på
- punktskriftlesarar som vil lese for barn som ser
- blinde studentar/skuleelevar som skal ha praksis i skule eller barnehage
- blinde barn som les punktskrift
Samlinga vår blir utvida med ein til to interfolierte bøker i året. Vi tar gjerne imot lånarønske viss det er titlar du ønsker deg.