Lånereglar for Tibi
Det er gratis å låne bøker frå Tibi, men som lånar samtykkjer du til Nasjonalbibliotekets lånereglar for Tibi.
![](https://tibi.no/content/uploads/2024/02/farhang-kokabian-XxouXkcQPLw-unsplash-768x1155.jpeg)
- Tibi sine bøker er berre til eige bruk. Dei må ikkje kopierast eller distribuerast vidare. Lydbøkene er merkte slik at dei kan sporast tilbake til deg som lånar.
- Ulovleg kopiering er straffbart og kan føre til at du mistar retten til å låne frå Tibi.
- Lånetida er 28 dagar. Lån boka på nytt viss du ønskjer å forlengje lånetida.
- Når låneperioden er over, skal bøkene kastast, eventuelt slettast om dei er lasta ned til PC. Følebøker og innbundne punktskriftbøker skal returnerast til Tibi.
- Punktskriftbøker i hefteform kan lånar behalde.
- Tibi lagrar lånehistorikken din. Ønskjer du å slette historikken, kan du gjøre det i Min side. Les meir om personvern.
- Gi oss beskjed om endringar i kontaktopplysningane dine viss du for eksempel flyttar eller får ny e-postadresse.
- Du har plikt til å gi oss melding dersom du ikkje lenger har behov for tilrettelagde bøker og ikkje oppfyller krava for lånerett.